| luang 的个人资料要饮水食饭啊~~照片日志列表 |  工具  帮助 |
|
要饮水食饭啊~~11月24日 过咗喇过咗喇！！！担心嘅事情终于完结！！不能置信的情况下，居然真系过咗司法考试！！！！天啊，你对我太好喇！虽然之前你玩得我甘恒，唔紧要！！我完全明白点解你要甘对我！！谷底反弹的感觉真系前所未有甘痛快！！！ 5月28日 讨厌下雨天5月26日，广州本田叫我早上9：00去到面试。前一晚才打电话来叫我去，我问她地址，她还很拽地说：“我告诉你什么路几号你也不明白，你自己上网找吧！”上网后才发现还不是一般的远，在黄埔…要转三趟车才去到…我说要7点起身，妈妈坚决反对，说一定迟到，要求我6：30起身6：45出发……我完全遵照了她老人家的指示，结果星期6早上，车很顺，风驰疾使之下8：15就到步了……不过确实不是一般的远啊！！
结果人家都还未开始上班，要我等到8：30才能进去。9：00，先填表，再做了份题，10：05开始等面试，一直等到11点。终于轮到我们了，还好，虽然是第一次正式意义上的面试，但是因为是4个人一齐面，其中三个都是我们院我们级的，所以也不会太紧张。最奇怪的是考官要我评价一下身边的同学时，实在不太熟啊…………不知如何反应。。。于是有赞无弹。。。
12点，终于可以走了，但是外面的雨也不是一般的大，还夹杂类似台风的强风，我连伞都没带，根本不可能走。。不过那个环境，几时有伞还是会全身湿透的……于是三个人在广本的饭堂食饭，发现还不错，只是非常奇怪怎么星期6都有那么多人要上班啊？！这个时候最大的问题是那双穿了数次但次次都还是会刮损我的皮鞋（也挺贵啊，而且一点也不高啊，为什么还是这样呢？这叫我以后如何穿皮鞋啊！），脚已经起了个水泡，还破了，止血贴早在早上来的路上消耗光了（我怎么就那么笨啊！贴止血贴也贴不好！）。。。
终于等到雨似乎没那么大了，但广本内部早已水浸了，浸到大腿…………夸张。。。好不容易坐它里面的穿梭车到了门口，好不容易回到广州……艰辛的旅程啊！回到广州后买了最仲要的止血贴，还陪小肥去了找位于珠江新城的一个超级豪宅去踩盘，豪宅啊豪宅！！果然不同凡响！怪不得均价都20000/方，确实不是一般的奢华！一梯一户，重点是室内中央空调和全名牌装修，景色还真是360度园林。。。唉，怎么广州的有钱人那么多啊！
脚还真不是一般的痛啊～～～当晚同小肥去食KFC，新奥尔良鸡腿堡超级无敌好味道！！
第二天起身后，又同佢去番禺踩另一个超级豪宅，呢个仲巴闭，人地系珠江新城卖到20000都仲情有可原，佢系番禺都均价20000就点都讲唔过去了吧？据说楼盘离沥滘地铁站不远，我地咪搭地铁去咯，系广州都仲系天阴喈，去到先发现番禺已经倾盆大雨了！于是滞留在地铁站长达1.5小时，后来看见雨似乎小了一点，决定走出去……出去后才发现原来那个所谓的沥滘站是在一条村庄之中……冒雨走了超级远的泥泞路才终于到达一条类似马路的地方，还是淹水了的………………见到车就上，离开呢个是非之地先算！结果出咗外面又再另外搭翻车入去，已经对果个珠江御景湾无晒好感喇！！点解要系D咁偏僻的地方起楼啊！仲要卖咁贵！D人一定系痴线噶！！！
好不容易入到去，其实睇内部装修确实唔够珠江新城咁靓，但系人地胜在个view不得了，主人房同客厅对住滔滔珠江，客房同另一个阳台就对住小区园景，一外一内都咁好view，而且感觉截然不同，确系好！！后来我地搭翻佢D巴士出来，先发现原来离赤岗都好近吓噶！我地搭地铁入去绝对系失策！！！
唉，落雨真系好鬼烦！搞到大家都心情唔好！如果天气好嘅时候入去当度假咁就好喇！ 5月24日 欢愉过后～归于沉寂～唔知系咪欢乐过后一定要归于寂寞噶呢～？前两日去咗毕业旅行，虽然只系去芙蓉帐，好近，而且先两日，但系真系好开心～讲出来都唔好意思，毕业旅行竟然系我第一个参加嘅班嘅集体活动，以前的几次旅行啊院运会啊果D我通通缺席了～今次先有机会真系认识一D人，同大家倾计啊讲笑啊玩啊，好开心。第一日去嘅时候落咗一日嘅雨，所以大家都屈系旅馆里面打啤打麻将玩uno唱k，增加了解嘛～～因为大家都好夜训，第二日9点左右大家起晒身喇就有一批人话想走，于是10点几走咗一批人。仲有12个，觉得终于好天喇，可以去玩吓喔，于是就留低了～结果大家去咗玩勇士漂流，哇，劲刺激！劲好玩！！虽然搞到个个从面湿到底而且筋疲力尽，状况超多，但系真系好开心好开心～
可惜呢种心情只系维持咗一日，今日就开始觉得失落了……突然发现自己成日俾人忽略。。虽然系自己衰在先，疏于同人联络感情，咁都唔使个个当我透明咁噶？我出声又无人理，同人系q度讲讲吓嘢人地突然消失咗，连88都无讲声，我最憎就系咁噶喇！我会等你答噶嘛！点可以好无预兆地话走就走呢？！想要某人陪，佢又成日都唔得闲。。周围流连人地嘅blog同qzone，（当然我留嘅言又系无回复噶喇～不过呢个问题都比较唔系问题，总无可能人地个个留言都复嘅～～）越来越觉得自己失败，唉，唔讲喇，郁闷进行中……
好想……好想心情唔好嘅时候可以揾个人讲吓嘢～好想感觉到被人重视～即使系得一个都好吖！ 3月15日 救命！自己都唔知自己想点，人人都已经有着落喇，未有着落果D都好鬼心急咁周围揾紧工喇，自己仲懒懒闲日日挂住训觉打机～～
今日分配咗论文的导师，昏厥～～我报劳动法方向，俾刘华我做咩呢？？我都唔记得佢系民法定经济法咯，总之就大缆都扯唔埋，虽然佢老婆系教劳动法…………无晒意见。5.18之前要交最终版喔，听日打个电话联系吓教授大人先得……其实写咩嘢我到而家都未系好肯定……
数数吓，毕业论文、考公务员、揾工、司考，样样都跟住来噶喇，我日日同自己讲要开始着手准备噶喇，日日都依然系推第日…………开始避世，长期隐居，好怕自己同呢个社会脱节，明明系自己唔肯走出去，但系偏偏又觉得系俾人遗弃咁……D林法何其病态！
每日对住部电脑，吃面包，打机，见到好多人用外挂，何其气愤，唔明咁点解D人要玩游戏～？我玩就系因为想消磨时间，用外挂，睇住铺铺赢，咁有咩意义？？林唔明，真系林唔明。
其实都唔系无投简历出去吖，虽然唔多，都系3、4份，不过全部都唔系知名企业，全部都系工作多人工低嘅，我只系想做翻自己本专业嘅嘢喈，点知都系全部犹如石沉大海…………同D F讲开，个个都话“中大喔，你使乜惊无人请吖”……听咗咁多次之后，搞到我自己都信以为真……结果好似俾人兜心口打咗锤咁～叹气。有时同自己讲，使乜咁急吖，考完个公务员睇下得唔得先讲喇。不过讲真，自己都预咗唔得嘎喇，如果到时唔入围先再开始揾工，已经系5、6月嘅事咯，仲揾鬼请你咩……矛盾，总之就系矛盾，成日都好似有两个自己系度拗咁～唔知精神分裂嘅前期征兆系咪咁嘅呢？
呵呵，振作振作！屋企养咗我咁耐，我点可以咁咖！ 3月11日 心情低落近来情绪波动得厉害～突然很雀跃，突然很失落，不知道为什么
想了很久，大概是因为太闲了。当你每日都在放假的时候，人生突然就失去方向了，好懒，每天都不想干任何事，长此下去，变得越来越颓废，开始明白为什么失业得久的人容易有抑郁症
找份工作吧，复习司考吧，每天都同自己说，每天都拖着不干……看着自己，很惭愧 3月6日 呢排真系烦～～虽然啱啱过完新十五无耐，但系麻烦嘅事一件接一件……
首先系年十三，我爹被告知单位效益唔好，叫佢三月份开始唔使翻工……晕，边有D老细咁攞胆，新年流流炒鱿鱼～鬼唔望你正月都过唔到就要执笠吖！！！！嬲嬲嬲嬲嬲～～
结果梗系搞到我爹极度心情低落咁过元宵啦～唉，无法啦，呢几日我同娘亲极力地想哄爹开心，咩都就晒佢之余仲话同佢去旅行散吓心。讲真，我地一家除咗系我未够5岁嘅时候成日跟单位去旅行之外，自我懂事以来都未试过真正一家人去吓旅行～最人齐都系三个一齐系上年去过香港（通常一系我同娘亲去，一系爹同娘亲去，一系我自己去～）同埋我仲系珠海的时候好似试过一次定两次一齐去澳门～（通常佢地两个去都系去赌场，我都费事跟埋去无聊）。于是我地就兴致勃勃咁揾咗两日，终于系寻日决定呢个星期5就去北京，搞到我寻日拿拿临将星期5的录影时间改到星期四，大大话话打咗6、7个电话先搞正咗；寻晚仲要兴奋到成晚都训5着，系度盘算要带D咩衫裤去着对咩鞋比较好，仲要记得带DC的充电器啊咁……结果今朝未够10点，爹娘系去旅行社交钱的路上呢个千钧一发的时间，我爹突然感慨去一次旅行要用好多钱，佢又无嘢做咯不如揾多个钱傍吓身好过…………结果北京之旅无限期搁置，为咗成全大家去旅行嘅欲望就改咗去唔知增城定从化一日游摘草莓同木瓜…………（待遇亦都差太远啦吧！！由双飞变成双果…………）
仲有就身边个个始终都唔听话，一日挂住赌，烦烦烦……
希望快D快D揾到份安定嘅工作，等我爹唔使咁愁，屋企环境又好D，自己都有D着落吖！不过呢个之前，更加严峻嘅系终于要写毕业论文啦！3日内要定个方向出来，晕，完全无林过呢个问题……写咩啊应该～？～？～ 2月10日 去饮＋行街＋小学同学聚会，忙到晕头盘：番禺饮宴
首先就系中午珍姐姐系雅居乐的别墅入伙，摆入伙酒……我屋企9：30出发，搭4号线去番禺～再去到别墅，已经11：00。实在太靓喇！！3层别墅，装修好靓，首层客厅，2楼系3间房，包括小朋友房同客房，三楼全层都系主人房，最令我无限中意嘅系主人房里面有个好似我屋企个房咁大嘅衣帽间，可以摆无伦咁多衫裤鞋袜！！就好似睇“浪漫满屋”里面rain间摆衫嘅房咁！！超级正啊！！！
结果呢一餐果然唔容易食，因为摆10围，好多人迟来，我地一直等到1：30先开饭～我已经饿到眼光光了……
3：15，我地完成咗食饭嘅使命后即刻赶翻去四号线新造地铁站～呢个时候，地铁教训我地原来地铁一D都唔可靠！！我地去到竟然发现系2：41分上级紧急通知地铁四号线停开！！未知几时可以开翻！！晕倒～于是我地就好似番禺一日游咁又游咗去长隆果边嘅3号线～呢个时候已经好鬼累了！
翻到广州，时间系4:30，同爹娘系公园前落车，行街～两个钟里面帮妈妈买咗对好in嘅波鞋，帮爸爸买咗件好型洒嘅风褛，收获丰富！
6：30，同学聚会时间到！！话说千里迢迢翻来的洁莹同学义不容辞地组织一场小学同学聚会～～
6：30 五月花pizza-hut
话说本来少红同学同洁莹同学打算将大家约会在天河城的意粉屋～但系考虑到果度的气氛太过和谐～恐防我地一行十几人会坏晒人地嘅风景，于是改到隔离的pizza－hut。。然后大家又开始投诉呢个地点实在有点远～虽然话有地铁…于是又将地点移到周围都就脚嘅五月花……洁莹话5时恭候6时入席7时有得食～结果佢自己都系6点几先到～
我地好明显系志在倾计而忽略咗食嘢～13人只系要咗3个pizza，3碟鸡翼，2点凤尾虾，同一个自助沙律，嘢饮都无叫，只系不断地叫人来斟水…………哈哈，搞笑。
9：00 天乐富林麻将房
食完嘢又倾到好尽兴之际，大家开始讨论下场节目～最后决定去揾间麻将房，4人打牌，剩下嘅玩uno，顺便可以满足我睇突围行动大结局的小小要求～由于果附近无咩企理嘅地方，于是我地又翻咗江南西……经过2个几钟头，有人好满足咁打咗四圈，而我地亦都不负所托地教晓咗几个人玩uno～哈哈，以后出去都可以考虑纯粹揾个地方玩uno了～
今日真系好开心，见翻好多好耐无见嘅同学仔～ |
||||
|
|
